Azərbaycan Respublikası Baş Dövlət Yol Polisi İdarəsi

27 iyun 2012-ci il tarixdə Qobustan rayonu ərazisində 5 nəfərin ölümü, 1 nəfərin yaralanması ilə nəticələnən ağır yol-nəqliyyat hadisəsi baş verib.

27 iyun 2012-ci il

27 iyun 2012-ci il tarixdə saat 10:00 radələrində Bakı-Şamaxı-Yevlax yolunun Qobustan rayonu ərazisindən keçən 106-cı km-də sürücü 1973-cü il təvəllüdlü Bakı şəhər sakini Dadaşov Tariel Musaxan oğlunun idarə etdiyi “Howo” markalı, H 020748 dövlət qeydiyyat nişanlı yük avtomobili Şamaxı istiqamətində hərəkətdə olarkən Bakı istiqamətində hərəkətdə olan  1961-ci il təvəllüdlü Göyçay rayon sakini Abdullayev Nadir Sədir oğlunun  idarə etdiyi “VAZ-2106” markalı, 23 BF 484 dövlət qeydiyyat nişanlı avtomobillə qarşı-qarşıya toqquşub, sonra isə “Howo” markalı yük avtomobili aşıb.
Qəza nəticəsində “VAZ-2106” markalı avtomobilin sürücüsü  N.Abdullayev və həmin avtomobildə olan sərnişinlər Göyçay rayon sakinləri 1962-ci il təvəllüdlü Abdullayeva Qənirə Aslan qızı, 1990-cı  il təvəllüdlü Abdullayev Rafiz Nadir oğlu, 1936-cı il təvəllüdlü Aslanova Səkinə Məlik qızı və 1966-cı il təvəllüdlü Aslanova Xoşgül Əli qızı aldıqları xəsarətlərdən hadisə yerində ölüb, “Howo” markalı avtomobilin sürücüsü T.Dadaşov isə xəsarət alaraq  Bakı şəhər Travmotologiya institutuna müraciət edib.
Faktlarla bağlı araşdırmalar aparılır.

xəbərlərin arxivi




Çap et  Çap et